Katër të mitur nga fshati Bradashesh i Elbasanit janë helmuar sot aksidentalisht me bar miu, ndërkohë që ndodhen në rrezik për jetën.
Fëmijët i përkasin dy familjeve me mbiemrin Petrela, dhe janë të moshës 2-5 vjeç. Helmi është gjetur nga të miturit tek plehrat e shtëpisë, ku po luanin jashtë përkujdesjes së familjarëve.
Ata i kanë dërguar menjëherë fëmijët në spitalin rajonal të Elbasanit, dhe më pas dy prej tyre janë nisur me urgjencë për në Qendrën Spitalore Universitare në Tiranë (QSUT), pasi gjendja e tyre u konsiderua më e rëndë se e dy fëmijëve të tjerë.
Tags: Elbasan
